Рекламный баннер 990x90px header-top
Рекламный баннер 990x90px header-bottom
Став олöмсö сиис быдмысь войтырлы.
Став олöмсö сиис быдмысь войтырлы.
Александр Иванович Некрасовлы талун эськö тырис 93 во.
Александр Иванович Некрасов чужлöма 1931-öд вося июль 30-öд лунö Емдíн районысь Гам сиктса Кырув грездын. Помавлöма Гамса шöр школа, а сы бöрын кык во велöдчöма Коми государственнöй учительскöй институтын. Институт помалöм бöрын неуна уджалыштöма Кöрткерöс районысь Чöтдíнса школаын, велöдöма челядьöс математикаысь да физикаысь. Сэсся том зонмöс босьтöмаöсь Сöветскöй Армияö. Кык во служитöма Белоруссияса военнöй округын. Армияысь воöм зон босьтчöма велöдны Айкатыласа том уджалысьяслöн школаын. Сэк жö заочнöя помалöма Коми пединститут.
1960-öд воын бöр локтöма чужан Гам сиктас. Дзик пыр тшöктöмаöсь уджавны директорöн да öтпырйö математика велöдысьöн. И со 1993-öд воöдз, пенсия вылö петтöдз, Александр Иванович юрнуöдöма чужан школанас. Тайö кыв кутана уджсьыс А.И. Некрасовöс вöлí пасйöма В.И. Ленин чужан лунсянь 100 во тырöм кузя юбилейнöй медальöн, сетöма «Коми АССР-лöн школаясса Заслуженнöй учитель» почетнöй ним.
Школаын уджалöмысь öтдор Александр Иванович гижис кывбуръяс и висьтъяс, медсяасö гижис челядьлы. Аслас гижöмторъясын, кодъяс петíсны «Восьтíс öшиньсö кыа», «Авъя лэбач – коми кыв», «Гöрд сатин дöрöм», «Шудыд – тэрыб лэбач», «Чужанíнöй менам – мыла сьыланкыв», «Асъя кыа», «Олöмыслöн рöмпöштан» книгаясын, автор, кодлöн кольöма олöм вылас челядь синмöн видзöдласыс, петкöдлö чужан му дíнö помтöм муслун, вöр-валысь мичлун и мортлöн олöм-вылöмлöн сыкöд топыд йитöдъяс. Гижлíс кывбуръяс сы йылысь, мый мортсӧ вӧрзьӧдӧ, ышӧдӧ, кыпӧдӧ, нимкодьӧдӧ и шогӧдлӧ.
Уна во чöж А.И. Некрасов нуöдíс краеведческöй удж. Сíйö чукöртíс озыр материал и туялíс олöм туйсö нималана ученöй-социолог П.А. Сорокинлысь, а сíдз жö Д.А. Батиевлысь, кодí ёна мырсис Коми мулы автономия шедöдöм вöсна и пуктíс сíйöс аслас шöр могöн. Найö кыкнанныс помаллíсны Гамса второкласснöй школа. Александр Иванович пуктíс ыджыд пай, медым П.А. Сорокинлöн и Д.А. Батиевлöн нимъясыс вöлí реабилитируйтöма.
А.И. Некрасов кузь нэм чöжöн унатор гижис и Гамса сиктса йöз йылысь, на пöвстын: велöдысьяс, айму дорйысьяс, война кадö тылын уджалысьяс да мукöд. «Таланты были, есть и будут», «Они ковали Победу», «Детство, опаленное войной» книгаясысь позьö лыддьыны на йылысь.
Сíдз жö Александр Иванович вöлí подув пуктысьяс пиысь öтиöн, медым важ школаын восьтыны музей (öнí – Музей истории народного образования Усть-Вымского района).
Коми литература сöвмöдöмысь да уна вося ыджыд краеведческöй удж нуöдöмысь Александр Иванович Некрасовöс вöлí кыпыда донъялöма: сетöма «Почетный гражданин Усть-Вымского района» ним, «Почетный гражданин Республики Коми» ним (2017 г.), наградитöма «За заслуги перед Республикой Коми» медальöн (2016 г.), пасйöма уна мукöд наградаясöн.
Александр Иванович Некрасовлы талун эськö тырис 93 во.
Александр Иванович Некрасов чужлöма 1931-öд вося июль 30-öд лунö Емдíн районысь Гам сиктса Кырув грездын. Помавлöма Гамса шöр школа, а сы бöрын кык во велöдчöма Коми государственнöй учительскöй институтын. Институт помалöм бöрын неуна уджалыштöма Кöрткерöс районысь Чöтдíнса школаын, велöдöма челядьöс математикаысь да физикаысь. Сэсся том зонмöс босьтöмаöсь Сöветскöй Армияö. Кык во служитöма Белоруссияса военнöй округын. Армияысь воöм зон босьтчöма велöдны Айкатыласа том уджалысьяслöн школаын. Сэк жö заочнöя помалöма Коми пединститут.
1960-öд воын бöр локтöма чужан Гам сиктас. Дзик пыр тшöктöмаöсь уджавны директорöн да öтпырйö математика велöдысьöн. И со 1993-öд воöдз, пенсия вылö петтöдз, Александр Иванович юрнуöдöма чужан школанас. Тайö кыв кутана уджсьыс А.И. Некрасовöс вöлí пасйöма В.И. Ленин чужан лунсянь 100 во тырöм кузя юбилейнöй медальöн, сетöма «Коми АССР-лöн школаясса Заслуженнöй учитель» почетнöй ним.
Школаын уджалöмысь öтдор Александр Иванович гижис кывбуръяс и висьтъяс, медсяасö гижис челядьлы. Аслас гижöмторъясын, кодъяс петíсны «Восьтíс öшиньсö кыа», «Авъя лэбач – коми кыв», «Гöрд сатин дöрöм», «Шудыд – тэрыб лэбач», «Чужанíнöй менам – мыла сьыланкыв», «Асъя кыа», «Олöмыслöн рöмпöштан» книгаясын, автор, кодлöн кольöма олöм вылас челядь синмöн видзöдласыс, петкöдлö чужан му дíнö помтöм муслун, вöр-валысь мичлун и мортлöн олöм-вылöмлöн сыкöд топыд йитöдъяс. Гижлíс кывбуръяс сы йылысь, мый мортсӧ вӧрзьӧдӧ, ышӧдӧ, кыпӧдӧ, нимкодьӧдӧ и шогӧдлӧ.
Уна во чöж А.И. Некрасов нуöдíс краеведческöй удж. Сíйö чукöртíс озыр материал и туялíс олöм туйсö нималана ученöй-социолог П.А. Сорокинлысь, а сíдз жö Д.А. Батиевлысь, кодí ёна мырсис Коми мулы автономия шедöдöм вöсна и пуктíс сíйöс аслас шöр могöн. Найö кыкнанныс помаллíсны Гамса второкласснöй школа. Александр Иванович пуктíс ыджыд пай, медым П.А. Сорокинлöн и Д.А. Батиевлöн нимъясыс вöлí реабилитируйтöма.
А.И. Некрасов кузь нэм чöжöн унатор гижис и Гамса сиктса йöз йылысь, на пöвстын: велöдысьяс, айму дорйысьяс, война кадö тылын уджалысьяс да мукöд. «Таланты были, есть и будут», «Они ковали Победу», «Детство, опаленное войной» книгаясысь позьö лыддьыны на йылысь.
Сíдз жö Александр Иванович вöлí подув пуктысьяс пиысь öтиöн, медым важ школаын восьтыны музей (öнí – Музей истории народного образования Усть-Вымского района).
Коми литература сöвмöдöмысь да уна вося ыджыд краеведческöй удж нуöдöмысь Александр Иванович Некрасовöс вöлí кыпыда донъялöма: сетöма «Почетный гражданин Усть-Вымского района» ним, «Почетный гражданин Республики Коми» ним (2017 г.), наградитöма «За заслуги перед Республикой Коми» медальöн (2016 г.), пасйöма уна мукöд наградаясöн.
05:38 31.07.2024 16+
Выбор редакции